[投資學堂]大家買股票嘅時候，係點選擇股票呢？對投資新手嚟講，想揀一隻股票就要買一隻好嘅股票，不過乜嘢係好嘅股票呢？
今次就同大家討論下乜嘢叫做好股票。買股票都係想賺錢，賺錢嘅股票亦都有好多種，有啲可以幫你賺快錢，有一啲就是細水長流，慢慢幫你賺，個個月出糧俾你。
賺快錢的股票，錯過了入市或出市時機就會變蝕錢。細水長流的股票，就經得起時間的考驗，但就唔會太過刺激，或者喺3、5、10年之後你先至知道佢係點好，要非常之有耐性。
所以揀一隻好嘅股票，其實有唔同嘅定義，首先大家要界定乜嘢叫做你心目中嘅好股票，同埋有咗目標，就要識得揀。
今次先討論一下長線穩定地幫你賺錢嘅好股票。即使一時睇錯市，高位買入，都可以重返家鄉。呢類股票一般都係波動性比較低的股票。
一隻好股票的4個條件
1. 從事嘅行業有前景
有前景嘅行業，股價升嘅機會比較大，選擇比較容易，即使揀唔到最好嘅一隻，退而求其次，都可以慢慢幫你賺錢。
2. 公司可預測性比較高
公司的管理層講得出、做得到，一啲不務正業，發展方向朝三暮四，能力或者信譽唔太好，就無謂自己送上門，送錢俾人使。
3. 活躍嘅股票
熱門多人認識嘅股票，有多個好處，一來多人認識，透明度高啲，二來入錯市想賣番出去，脫手也比較易。而多人買賣嘅股票，一般都有佢嘅賣點。
4. 有跡可尋嘅股票
一隻新上市嘅股票，即使人人話好，但是否經得起時間考驗，真係未知之數，反而一隻往跡可尋嘅股票，股價多年來不斷反覆上升，管理層作出的承諾又兌現得到，定期有派息，照顧小股民的利益，這亦都好最重。
挑揀長線好股票方法
有乜嘢方法以及途徑可以幫你搵出一隻好的股票？
首先去到公司的年報，看一看過往幾年的賺錢情況，如果年年賺錢，這是好的兆頭。
第二，看看公司的股價表現，如果一向都比較波動，股價時不時大上大落，背後可能有原因，例如這類股票主要嘅投資者，都喜歡炒作，以短線為主，因為如果一隻細水長流的股票，應該有一筆批穩定的投資者好似係退休基金，股價的波動會咁大。
第三，看看公司的派息情況，如果無論股市幾差，仍能保持穩定的派息，這就是管理層善待小股東其中一個證明，可以加分😉。如果一年派息多、一年派息少，就是管理層的操作並不穩定。這樣的預測性比較難，與此同時要計算公司的基本價值亦都並不容易。
總括來說，要尋找一隻好股票，首先你要界定你心目中的好股票，與此同時要細心一看留意行業的前景、公司過往的業績，以及管理層作出承諾有冇兌現，符合這些條件，能夠成功尋找好的股票，機會自然高。
💡我們的 “新手俱樂部“有更多相關內容教你投資。