想在10年內賺到一百萬元？對打工仔嚟講，是否咁遙不可及？人工少少，扣除衣食住行必需開支，剩低恐怕唔多😫，究竟有乜嘢方法可以輕鬆達標？
今次唔係教大家賺100萬元的方法，而係幫大家計計數，讓大家對理財投資多一啲了解。
10年要賺到100萬元，即是你每年要平均賺到10萬元😲。 一聽到呢個數字，可能已經好多人打定退堂鼓，因為目標太遙遠很難達到。
不過再想深一層，未必好似你想像中咁困難，財富的累積並不是這樣簡單的一條數。 今次就粗略計算一下，不同的情況：
1 唔去投資齋靠打工儲錢
這樣每年就需要儲10萬元，或每月儲8千多元，等10年便成為百萬富翁，噢！唔好意思，今時今日有一百萬都不是富翁🤭，應該是百萬元戶😬。
2. 儲錢做儲蓄定期
如果邊儲錢、邊放在銀行做定期，有2厘息已經好好啦。咁一年要儲約91,200元，即每個月儲約7,600元。
在這大約一百萬裡面，有9成靠節衣縮食去儲錢，一成來自利息收入。
圖：儲蓄加2%銀行定期利息回報
註：計算方式只供參考，以每月供，每年派息一次的款複利率方式計算，下同。
3. 儲蓄加投資
如果你在這10年時間，用打工儲錢＋投資方式賺錢，一年投資又可以取得8%回報，咁每年儲約69,000元，即是每月儲5千多元便達標。
在這大約一百萬裡面，有三成來自投資回報，七成靠儲錢，這樣比起齋儲錢，會輕鬆一點。
圖：8%投資回報加儲蓄
4. 其他方法
Ok！唔想儲錢，又已經儲到一筆資金可以幫你投資生利，咁仲輕鬆。如果每年爭取到8%投資回報，咁你大約需要有48萬元，十年後資金會翻了一番多少少，就可以賺到100萬元。
換言之，10年後閣下的一百萬元，有一半以上是來自投資回報。
圖：48萬8%投資回報
以上的計算代表了甚麼？就是如果你有投資，同時回報理想的話， 10年之後你投資的回報，有可能多過你的本金，這就是投資的好處。換言之，想加快賺錢的步伐，投資是不可少的，單夠儲蓄有排都未能夠達標😉。