股價大升的股票會多人留意、多人唱好，相反，跌完又跌的股份，一般都會被人放埋一邊，今次講緊的是美股派息貴族之一的老牌公司AT&T(T)。
AT&T持續重整方針，進行了一些市場唔太喜歡的收購，令到股價唔多做好，近期去到10年低位，幸好息率多達7%之多，還有條件留住一些好息的股民。
(這篇文章選輯自我們日前上載的Patreon內容)
AT&T做啲乜？
講到AT&T，好似香港講到電盈和香港電訊咁，美國應該冇乜人唔識，它是通訊和媒體巨企，向全球用戶提供通訊、娛樂和互聯網服務，也是美國最大的收費電視供應商，美國第二大的無線網絡提供者，它旗下的公司如HBO、CNN 、TNT及時代華納，大家也不會陌生。
公司派息慷慨，過去多年一直保持平穩及增長，派息比率超過一半，即是賺幾多，都會有一半或以上派了出去。
圖：AT&T十年派息走勢
不過，公司正在轉型，又買又賣資產，投資者的信心又唔足，看不到亮麗的前景，特別是近年的收購，投資者覺得沒有太多賣點，又擔心債務上升，影響現金水平，以致減少派息。公司長年反覆下跌，也是投資者表態的結果。
至於公司前景係唔係咁差，真的要考考管理層，用成績去印證自己走啱方向。但做得派息貴族，一啲唔容易，派息不能輕易減少，否則個貴族銜頭便會被人剝奪。只要派息保持吸引，爛船也有三根釘，仍有一定的吸引力。
AT&T另一個令人失望地方，就是股價長期跑輸大市，標普指數未計股息的回報，上升了三倍幾，AT&T的股價十年出現負增長，點會唔令小股東失望？公司估值(8倍PE)比同行，例如Verizon(VZ)及德國電訊(DTEGY)低了一大截。幸好股價加埋派息的總投資回報，十年間都升咗超過70%。所以在高息之下，食息一族還是有錢賺。
圖：AT&T十年股價走勢
市場上對AT&T的睇法不一，有人覺得超平，有人覺得並不吸引，不過一個共通睇法還是覺得派息仍有吸引力。如果你仍看好公司前景，或可以唸唸趁低吸納，捱住幾年做食息一族，再放長線釣大魚駁低位反彈，反正美股升了多年，都唔知大市走勢能否持續走強，AT&T股價低迷，再大跌都應該有個譜。
如果大家想了解甚麼是股息族股，不妨重溫這篇文章：