講到揀邊間證券行開戶口去投資美股，好多人第一樣諗到的就是揀一間收費便宜、甚至最好就是免佣金的證券行，如果你的着眼點只放在收費方面，有機會得不償失。
有投資開美股的朋友，有沒有留意到，你落單要等幾耐，或是否以貼近市價買到股票呢？如果次次完成交易要遲過人，唔可以用好的價錢去入貨或者出貨，可能你的交易成本都計埋落去😔。
這就是經紀佣金以外的交易成本。
小心俾人賣豬仔
證券經紀的技術、背後的運作，如果令到你唔可以用最好價來買或賣，損失隨時遠遠高過買賣的收費/佣金。
所以大家開戶口時，都要考慮的另一個重要事項，買賣平台的效率，以及有沒有俾人 “賣豬仔”。
乜野係賣豬仔，美國Robinhood的故事又可以俾大家參考。
美國一向以免佣、零手續費作招徠的網上經紀行Robinhood，俾美國證監會(SEC)捉到有問題，最後Robinhood要交6500萬美元罰款。
美國證交會發現當散戶落盤之後，Robinhood並唔係直接向交易所落單，而係與高頻交易商進行黑池交易。若訂單在黑池成交，Robinhood會收到高頻交易商提供的補貼。如果沒有成交，黑池先將訂單發送至公開交易所。
換言之，美國散戶在不知不知不覺之間，俾人賣咗豬仔，以為免佣金好著數，慳咗5美元(經紀行一般的收費)，結果喺另一個地方嘔返出嚟，代價可能比佣金還要高😔。
由Robinhood帶出的鬥平、免佣收費席捲美國，香港亦都不咁後人，所以大家揀證券行時，要仔細比較一下，小心低佣金、免佣，換來代價是資金安全，或者有隱蔽式收費也不知道。
揀證券行要取得平衡
筆者有一個非常審慎的朋友，在選擇證券的時候，寧願多付一些費用，對新冒起的證券行沒有太大信心。所以不同人士，對證券行的要求是不同，有人重視收費，有人要安心。投資是長線，或者各方都要有取捨，同時做好風險管理。
興趣了解Robinhood的個案，可以睇下美國證交會的👉🏻報告(英文)
有關揀美股證券行仲有好多經驗分享，遲下再續。
(更多關於投資美股的內容，歡迎訂閱我們的美股Patreon)