ETF係懶人投資嘅好幫手，隨著可以選擇嘅基金數目越來越多，要搵到適合自己嘅ETF，都要做一下功課。以下6個名詞，相信在大家篩選過程會經常遇見，了解呢啲內容，揀ETF就來得容易好多。
1. AUM (Assets Under Management)資產管理規模
即係ETF管理緊幾多資產，數字越大，代表基金的規模越大。
一隻ETF規模越來越大，除咗因為投資了得，令到身家澎漲之外，另一個原因是多咗資金流入。做得好嘅基金，自然會吸引更多投資者，基金可以不斷增發單位，令到管理嘅資產規模越嚟越大。相反資產管理規模越做越細，可能因為投資失利，或者好多人沽售基金離場。
透過AUM或者可以反映到ETF的普及和受歡迎程度。
2. NAV 資產淨值
資產淨值是指ETF嘅的資產價值，數字由基金公司提供。呢個數字對於我哋有冇買貴咗貨，有好大參考價值。
ETF好似股票咁，有兩個唔同嘅價格，一個係變賣晒資產嘅時候值幾多錢，以及佢喺股市嘅買賣價，兩者可以唔一樣。
資產價值係計出嚟，視乎基金擁有幾多資產，股價就視乎市場需求，大家願意用幾多錢去入貨。如果買入價高過佢嘅資產值，即係出現溢價，可能貴咗貨。
一般來說，資產值及股價唔會相差太遠，因為ETF有莊家做協調，市場需求大會增加ETF供應。
3. 溢價及折讓
溢價指基金的市價高過它的資產值。折讓剛好相反，市價低過它的資產值。當ETF出現太大的溢價，大家要小心合會會買貴咗。
4. 追蹤成效
意思係ETF追蹤指數的表現。好多ETF投資是跟足指數，ETF的回報理應跟指數嘅表現差不多，如果指數升一成，ETF只升得8%，兩者的誤差太大，ETF的管理或者唔太好。
5. 開支比率
經營一隻ETF，會涉及唔少開支，包括管理費用、買賣證券嘅成本、行政費、推廣費等等，加加埋埋嘅總數，所佔基金的百分比，就是開支比率，開支比率越低當然越好，可以留番多啲錢嚟投資。
6. ETF市場莊家
大家唔好比 “莊家”兩個字嚇怕，ETF的市場莊家，唔係我地心目中一啲細價股、專門操控股價的炒家，而係由ETF發行商委任嘅機構，幫手睇住基金嘅買賣情況，增加ETF的流動性。
了解過以上內容之後，我哋在研究及比較ETF嘅時，會更加容易。