港股表現長期積弱，近年跌多過升，仲係低處未算低咁，一些以為做得好的股份，卻因為政治環境改變，多年來賺到的錢，一下子話跌就跌，即使用月供方式來投資，都一樣要蝕錢😫，究竟月供股票是否再不合時宜呢？
（這篇文章選輯自我們早前Patreon的內容，想閱讀更多最新投資分析，歡迎訂閱）
何解月供股票冇以前咁吸引
月供股票之所以受歡迎，因為入場費低。買港股係以一手做買賣單位，一手可以係500股，或者一千股，令到一啲熱門嘅藍籌股，入場費閒閒哋要一萬、二萬元，唔係個個投資新手買得起，或者願意把所有資金投放在單一股票身上，這個時候，透過月供股票計劃會是一個好選擇。
月供股票另一個好處係，免卻選擇入市時機的煩惱，以前的觀念是，只要揀到一隻優質股票就唔太擔心揀錯入市時機，可以放長線釣大魚，股票越買越跌都冇大問題，遇到跌市，同樣的資金可以買得更多的股票。
以上種種都是以前的說法。睇番近幾年以來，香港股市表現唔太好，跌多過升，用月供股票投資，即使接長線都未必一定有錢賺。以月供股票熱門之選盈富基金(2800)為例，5年以嚟越買越跌，唔知幾時先係收成期。
圖：盈富基金5年走勢
另一方面，中國的政策改變咗好多，政策一收緊，就影響了整個營商環境，長線買入一隻中資股，不幸遇上政策一改，股票就應聲大跌，之後未必可以返到家鄉。
再者近年越來越多人投資美股，買美股的入場費低，一股都可以買賣，唔使幾百蚊，熱門嘅美股藍籌公司都有唔少選擇，打破咗入場門檻高嘅關卡，這樣又令到香港的月供股票吸引力減少。
月供股票是否不合事宜呢？
事實上，今時今日利用月供股票投資港股，尚未算不合時宜，但要做多一啲功夫，要識揀時機和股票。投資再唔可以太隨意，要做多啲功夫：
1 選擇優質股票
這是老常談，但也是投資最基本的一步。
2. 小心易受政策影響的行業
有些股份易受中國政策影響，特別是跟民生息息相關，或者太大隻隨時被指為壟斷市場。這類股票一旦被政策盯上，整個投資環境會變得好快，投資要小心。
3. 小心經濟敏感度高股票
例如銀行股、航運股、資源類股份，經濟好會升得快，經濟唔好，跌得仲快，入市時機重要，過了好景的周期，未知幾時是下一波，可重返家鄉。
4. 經常做檢討
要留意投資大環境，香港經濟發展跟內地已不可以分割，中國經濟增長如果長年打横行，投資回報未必吸引，所以投資也要因時制宜，定期檢討做下功課，唔好以為月供股票長線一定賺。錯過咗時機，就會白白浪費時間。
結語
總括來說，港股嘅經濟動力比以前減弱咗唔少，投資無論係長線定短線，無論一次過買入一隻股票，或者用月供股票方式投資，要比以前更努力，做多啲功課，揀啱時機入市，先係增加勝算嘅機會。