香港作為亞洲金融中心(希望仲係)，小市民對財務及投資的理解有幾多？恐怕都唔係太高，呢個唔單止香港，美國都唔例外。
在早前的美國的金融知識月(National Financial Literacy Month)，見到Barron’s雜誌一篇相關內容，講到美國學生在這方面的普及程度，真的有點意外。
美國作為世界最富裕國家，但在金融財務的教育方面，表現就相當不濟，只有7%的高中生被認為具有財務知識，29個州唔使有基礎經濟學或金融知識，就可以獲得高中文憑。
大學生都唔好得好多，72%的大學生通過唔基本的金融知識測試。 70%的千禧代講到儲錢退休，就話感到壓力和焦慮。
Barron’s Group金融教育總監Joe Lanza話，呢個統計結果 “非常得人驚”。 大家從學生的債務、信用卡、各種金融工具使用情況，可以反映出來。
其實唔單止學生，研究指出即使大多數成年人，都無法通過金融知識的測試。同時大多數人對自己的財務狀況感到不滿意。
香港的情況如何，肯定都唔會好得美國幾多，懂投資唔多，進一步懂理財以及管理財富都好少，大家要努力💪。