香港有不少企業質素唔錯，增長亦較穩定，不過由於在港股上市的公司，國企、中資企業佔數量不少，加上規模龐大，搶咗唔少注意力，香港公司好多時都被人打入冷宮。 如果大家想選擇一隻以香港公司為主的ETF，可能美股呢隻ETF，比盈富基金更加貼切。
講緊的是這隻iShares MSCI Hong Kong ETF(EWH)，在美國上市ETF，追蹤MSCI香港指數的ETF。
提到港股表現，好多人會以恒生指數做參考，恒指升，即大部份港股(用市值唔係數量計)升，但恒生指數所反映的，往往都是在香港股票上市的大企業的表現，恒生指數挑選成份股的主要準則，往往都是夠大隻、買賣活躍股份，但唔一定係香港的公司。所以追蹤恒指的ETF(盈富基金, 2800)，所投資的股票，好多都是中資股，以及大大隻的金融股。
盈富基金波幅大過升幅
以前大家投資盈富基金，收穫可能唔少，因為以前中國經濟好，內地公司增長快，推動盈富基金股價節節上升，但近年隨着中國經濟增長放慢，內部經濟結構正在轉型，政策又不斷轉變，整體的經濟增長速度逐年減慢，近十年來，盈富基金的波幅大過增幅，如果近年唔係加入了幾隻大科技股，相信投資盈富更難取得理想回報，不過，科技股佔比重大了，令到股份表現較以往波動。
至於香港上市多年的大企業，不少都屬於舊經濟，發展成熟穩定，或會較適合一些追求平穩，又想投資自己較認識的公司，這時EWH便可以考慮。
EWH 跟盈富比較
EWH 追蹤的就是MSC I香港指數， MSC I指數在外國的認受性，比恒生指數還要高。以下是EWH和盈富基金的簡單比較。
圖：ETF基本資料
EWH 投資的成份股，佔比重比最大的頭十隻股份，大家應該唔會太陌生，例如友邦(1299)、港交所(0388)、 創科實業(0669)、領展(0823)等等。這些股份放在盈富基金，佔比重唔會太大，因為盈富的組合，佔比重最大的股份，除了友邦及滙豐(0005)，大部份都是國內企業如騰訊(0700)、建設銀行(0939)。
圖：10大投資比重
圖：投資行業分布(資料來源Morningstar)
過去10年EWH每年(複合)增長為6.5% ，比盈富基金的5.1%略勝一籌。
圖：ETF近10年投資回報(資料來源Morningstar)
總括一句，盈富基金代表香港上市的藍籌公司，但唔一定本土香港公司，近年來隨著恒生指數計算成份股方程式的改動，盈富未來變化會較大，例如投資的公司，要求上市的年期減少了，科技股有機會佔比重增加，純香港公司佔的分量有機會再跌，盈富再難代港香港經濟，也不代表投資在香港本土的公司。如果想投資自己本地企業，便要看看一下ETF所投資的成份股。
文章選輯自我們的Patreon內容。更多關於港股及美股的詳盡分析和介紹，歡迎訂閱我們的Patreon