今年跌到冇朋友的滙豐控股，唔聲唔聲從九月的低位反彈超過四成，升返上$40以上水平，近日再有一個好消息，銀行有望可以恢復派息，呢個時候，你會唔會再考慮買入滙豐呢？
傳統以來滙豐的吸引力主要在幾方面，第一這是一隻大藍籌，喺香港可謂家傳戶曉，第二就是派息相當吸引，普遍都有6%以上，第3近年公司持續回購股份，對股價有支撐作用。
不過好景不常，香港以至全球的經濟走入低谷，這類經濟敏感度高的股份亦都受挫，以致兩大殺手鐧，回購股份和派高息都消失了。今年三月英倫銀行要求間銀行今年底前暫停派息及股份回購。
滙豐的股價由年頭的$60水平一直跌到9月低位，跌穿咗30元 😱，持有滙豐股票的小股民，當時真的是欲哭無淚😭。
圖：滙豐近3個月股價表現
由於股價低殘，加上肺炎疫情的影響似有曙光，市場預計疫苗出現有助經濟改善，以及憧憬公司會回復派息，所以股價開始從低位反彈，近日英倫銀行開綠燈，容許有限度派息，就好似向滙豐小股民送上聖誕禮物🎁。
多個因素要考慮
見到咁多利好消息，大家會否回心轉意考慮入市呢？如果你有這樣的想法，不妨再諗一諗以下的因素：
- 肺炎疫情影響之下，經濟復甦之路漫長。傳統經濟敏感股份，要恢復生機，可能要等到2022年。
- 在寬鬆的貨幣政策之下，息率持續低企。意思係在低息的環境之下，銀行生意冇咁好賺，因為息差收窄。
- 即使滙豐恢復派息，都會趨於保守、比較孤寒☹️，有排都唔似以前咁闊綽，短期唔會再係高息股。
- 在中美關係緊張之下，滙豐面對的政治風險頗大，左右不是人😔，未知會對業務造成什麼影響，政治上存在不明朗因素。
- 滙豐英國脫鈎談判結果如何仍是未知數，沒有協議下脫歐，對英國經濟造成打擊，對滙豐業務和收入也會造成影響。
結語
近幾個月以來，滙豐的股價已經從谷底反彈超過4成，股價吸引力減少，加上放在眼前，仍遇上不少的不明朗因素。未來的經濟環境，對銀行來說，做生意仍會遇上不少的挑戰，投資都要審慎一點。