新一年投資話題離唔開買邊啲股票好，不過，在新一年第一篇文章，先回味一下去年的投資經驗，都未嘗唔係好事。
2020年無論香港或美國股市，好多都係估佢唔到，以為大市會升，開始似有好的勢頭，但突然出現了一個大疫情，令到股市倒插。你以為走咗入萬丈深淵，唔少股份竟然谷底反彈，新舊經濟股走向兩極化化，投資如果唔認清環境、敢於落決定，隨時蝕錢收場。
以下6個可能係唔少人的投資憾事：
1. 股市3月底跌到冇朋友，心大心細冇即時入市，錯失了撈貨機會☹️
2. 科技股升得太快，唔夠膽高追，一等再等再等，終於升得太多唔敢唸🙈
3. 唔夠錢，想入市都有心冇力😔
4. 年頭貪高息買左匯豐(0005)，有排都未返家鄉😭
5. 太早賣出Tesla(TSLA)，賺少咗好多錢😣
6. 成手都係傳統高息藍籌，人升我跌變咗蟹貨🦀🦀
你的投資體驗又如何？
對於筆者來說， 2020年算是一個豐收的一年，因為手上長揸超過10年的兩隻股票，港交所(0388)及創科(0669)齊齊發威，創科更加做埋藍籌股。美股方面，手上的 Shopify(SHOP)和NVIDIA (NVDA) 都升唔少。不過，亦都跟好多人一樣，後悔冇入Tesla，因為升得實在太癲了。港股就太早出賣出美團(3690)，不過，中資股一向都唔打算揸太耐。手上幾隻股票做得好，令到整體組合的成績都唔錯。
點都好，無論賺多或蝕多咗，都已經成為過去， 2021年就重新出發，大家努力爭取更好嘅成績💪🏻。
事實上，在去年第四季開始，筆者已經調整了投資，一來因為要遠行，有一段時間都未必有時間睇住個市，所以先做個rebalancing，減持部份升得多的科技股，換入了少少高息股(慢慢吸納唔會急)。一些高息股資產靚、估值吸引，其實都幾有吸引力，期望今年疫情的威脅緩和，經濟逐步好轉，部份受打擊的行業可以從谷底回升，在低息環境下，可以為未來幾年作一個長線的部署，投資組合始終唔可以隻隻都係戰鬥格，否則波動會好大。
如何部署新一年的投資
接下來幾篇Patreon文章，無論是港股或者美股方面，筆者會組織一下，跟大跟大家檢閱及討論一些熱門的股份，或者可以俾多一些投資概念(唔係貼士)大家。
(更多、更新關於投資港股或美股的內容，歡迎訂閱我們的Patreon)