閣下未必擁有好多股票或基金，但作為打工仔，一般最大的投資(唔計買樓)，相信是強積金(MPF)，呢啲都係我哋辛苦賺嘅錢，十年、廿年後，有管理跟冇管理，回報可能相差好遠。
今次介紹幾個MPF網上實用工具，幫大家做個理財話事人。
負責睇住強積金運作的官方機構：積金局，其實提供很多實用工具，只是使用上並不友善，資料東一忽西一忽😢，今次就介紹幾個積金局的網頁，再介紹其他的網站給大家。
1. 一張圖睇晒各強積金表現
這個積金局平台，可以睇到各類強積金投資如股票、債券、保證基金等工具的表現，有5年、10年的價格走勢，令大家了解到邊類投資跑得最快。
🔗 基金表現圖表
圖：積金局基金表現圖表
2. 睇晒各MPF營運商的基金表現
呢個網頁包含各類型強積金的簡單資料，包括投資分佈、過去1年、5年、十年的表現，大家不妨做個比較，睇吓邊間強積金公司旗下的基金做得好。
得記得click入去紫色的部份，就可以看到這些基金的收費， 睇到邊間基金公司”食水深”，收多咗費用是否值得，能換來勝人一籌的表現。
🔗 基金資訊表
圖：積金局各類MPF計劃表現
3. 查下自己有多少個強積金戶口
轉工轉得多，又沒有順手把強積金轉移，日積月累唔覺唔覺擁有數唔晒嘅強積金戶口，這樣不利於管理，所以唔清楚的話，不妨上網填表格，查詢一下自己究竟擁有多少個基金戶口，查詢係唔使錢，免費的。
圖：積金局個人帳戶查詢網頁
4. 點樣轉換強積金？
如果一查之下，原來閣下擁有多個強積金戶口😲，咁就要採取行動集中火力，減少一些做得麻麻的強積金計劃。這個網頁會教大家點樣轉換強積金，同時也有表格下載。
其實另一個轉移強積金公司的方法是，去到你喜歡的強積金公司，在它們的網站下載轉移強積金表格，填好之後佢地會幫你跟進。
圖：積金局轉移手續網頁
5. 計算機
這家強積金公司提供大量的計算工具，幫你計算一下各類唔同金額，例如退休要多少錢？有多少的遣散費？長期服務金有幾多等等。
🔗 友邦計算機
圖：友邦計算機
講開又講，我哋過往都寫過多篇關於MPF文章，實用性相當高😊，大家不妨來搜尋一下。
結語
強積金都是我們資產的一部份，打工的年期越長，累積的資金就越多，能夠花多一點時間好好管理，肯定可以幫我們退休過着更休閒的生活🏝。