Facebook改咗名做Meta Platforms(META)之後，表現並沒有起色，上星期公佈業績，股價仲瘋狂插水。依家仍然投資呢隻股票嘅小股民，真的要認真研究一下，META面對的是甚麼環境。
（這篇文章選輯自我們早前Patreon的內容，想閱讀更多最新投資分析，歡迎訂閱）
圖：META近三年股價走勢
年初以來，Meta股價剛好唔見咗一半，大型科網股中，算係最差的一隻。原本大家對它的業績已沒有期望，上星期公布的季度業績都仲會令人失望，導致股價弱上加弱，遭人狂沽。大家咁心淡唔係冇原因。
Facebook面對的6大挑戰：
- 全球經濟增長放慢了，對於網上廣告的需求亦都回落，令到收入減少。
- 蘋果推出新政策，iphone軟件加強個人隱私保護，令Meta更難推出個人化的廣告，旗下社交媒體對廣告商的吸引力大減。
- 市場競爭激烈，受TiK ToK威脅，搶佔了不少市場。
- 公司為了應對競爭，採用以前一貫的做法：對手有乜我照跟，即係推出TiK ToK近似的Reels，這樣做便要投入大量資源，對財務自然造成影響。日後即使新服務成功，有機會從原來的社交媒體如facebook、Instagram 平台帶走一批常客。
- 公司早期公布的鴻圖大計 “元宇宙”，繼續在燒錢，呢項大型項目未知幾時成功，成功機會又有幾大，但就對目前財務造成負擔。
- Meta繼續一直面對歐美政府收緊監管的挑戰。
整體來說，Meta最近的業績，令到市場進一步失望，唔少分析員都調低投資評級， 公司發展去到一個樽頸地帶，面對不少的挑戰。由於股價跌到低處未算低，有人覺得反映晒壞消息，不過，投資睇前景，吸引力其實一般。